紅男綠女聯歡嬉戲
大三巴, 觀音像
媽閣廟景緻真優美 （澳門咀香園廣告歌）
課程完畢, 當然要外遊散吓心, 本想加入弟弟的日本自遊行系列, 但這四年的課程本公的銀行戶口元氣大傷, 無力再到消費指數高企的地方癲過.
澳門我只去過一次 (06年8月), 一日遊 (半日有人帶, 半日自遊行, 包個半自助午餐), 跟康X旅行團去的, 我記得係$9XX.00兩條友 (我同弟弟), 超搵笨 (忡話自己開心指數滿分添), 由於澳門景點多, 物價指數又不很貴, 加上言語以廣東話為主, 平平地又想去旅行的必然選擇.
先感謝上帝咁俾面, 成個八月每日都响喥喊嘅佢, 竟然响我去旅行嗰兩日全日好天, 到夜晚等我上咗船先响喥行雷閃電落大雨, 認真唔話得了.
這次我選擇了兩天自遊行, 不過夜的 (個幾鐘船就返到屋企, 為何要過夜?). 這兩天, 我沒有去大三巴, 觀音像之類的名勝. 我去得好偏廦. 我亦都無買咀香園之類的手信, 但買咗D葡國同澳門特式的飾物手信, 希望同事及朋友會喜歡吧!
Day 1：13/8/07（一）（天晴）
行程：四面佛 --> 黑沙海灘 --> 觀光塔 --> 漁人碼頭
今日我早上7:00上船, 完成所有入境手續, 9:00幾出關. 在未開始今次旅程時, 先預購今晚的回港船票, 點知夜晚8:30及8:00飛都滿座, 唯有買7:30p.m.的 (好彩晨早買定啫 -_-). 原來夜晚船飛係貴朝早40幾蚊, 搞到我個銀包得番$80.00, 幸好澳門的提款機可以提到港幣 (亦很慶幸我帶了EPS), 如果唔係真係香得啦.
同事說澳門的的士頗危險, 為安全計, 今日所有行種都是坐巴士 (本公有的是時間與散子, 加上的士起錶$11.00, 咁X貴, 省點錢來吃和買嘢無咁嬲)
初到貴境, 人生路不熟, 本公响港澳碼頭前面個巴士站逗留咗好耐 (因為完全唔知想去邊, 雖然帶咗地圖但唔係好識睇), 運吉咗半個鐘, 終於決定跳上一架去氹仔的28A巴士 (因為我見到去四面佛同埋去大利豬扒包（餓──）)，費用$3.30 (抵@@), 可惜本公完全唔知豬扒包响邊喥, 我見到一個好得意嘅四面佛就落咗車, 在列日當空下照咗二十分鐘相便離去了.
原來澳門的士係黑色「O架」四面佛是在馬路中心的, 大家坐車時唔好走漏眼呀@@
四面佛面面觀
其實拜泰國佛係不用香燭的, 只需鮮花與水果, 可能裝香是中國人的特式, 所以那裏也有香台.
善信們個個都手拿金紙, 他們說那些是金鉑 (要買的) , 用來貼在大象頭上, 唔知有咩用呢?
接著想去黑沙海灘, 得知沿途有巴士可到（25號巴士）, 於是在有關巴士站裏候車, 快到半個鐘了, 車仍未到來, 問問乘客, 乘客話25號巴士一個鐘先得一班車, 而且話近排轉咗一個楂車楂得好慢嘅司機, 由於最近我呢個時間的下班車是11:00 – 12:00幾的那班, 那我唯有去附近的茶餐廳嘆個早餐後再等過 (嗰喥D多士同奶茶好鬼正架., 奄列又好大塊, 18蚊, 超抵 ~^_^~)
最後, 我跳上了一架班次較多且去黑沙海灘的26A巴士 ($2.8).
終於嚟到啦 (感動 ~>_<~)
黑沙海灘是一個很寧靜及舒服的地方, 感覺很像香港的西貢, 沙雖然是黑色, 海水泥黃色, 但那裏沒有垃圾, 很「乾淨」. 加上個天突然藍天白雲, 陽光普照, 這天, 是為我而設的嗎?
美麗的黑沙海灘
透明的貝殼, 香港好難搵到架 (不過好易爛)
我在那裏逗留了近兩個多小時, 然後打算到金莎賭場吃下午茶的, 怎料突然有點急事, 唯有向附近一間葡國餐廳老闆娘求救, 並在那裏點了葡國餐 －－ 啤酒牛肉 + 果汁, 味道應該是葡國人的口味, 但本公不懂欣賞.
四面佛面面觀
其實拜泰國佛係不用香燭的, 只需鮮花與水果, 可能裝香是中國人的特式, 所以那裏也有香台.
善信們個個都手拿金紙, 他們說那些是金鉑 (要買的) , 用來貼在大象頭上, 唔知有咩用呢?
接著想去黑沙海灘, 得知沿途有巴士可到（25號巴士）, 於是在有關巴士站裏候車, 快到半個鐘了, 車仍未到來, 問問乘客, 乘客話25號巴士一個鐘先得一班車, 而且話近排轉咗一個楂車楂得好慢嘅司機, 由於最近我呢個時間的下班車是11:00 – 12:00幾的那班, 那我唯有去附近的茶餐廳嘆個早餐後再等過 (嗰喥D多士同奶茶好鬼正架., 奄列又好大塊, 18蚊, 超抵 ~^_^~)
最後, 我跳上了一架班次較多且去黑沙海灘的26A巴士 ($2.8).
終於嚟到啦 (感動 ~>_<~)
黑沙海灘是一個很寧靜及舒服的地方, 感覺很像香港的西貢, 沙雖然是黑色, 海水泥黃色, 但那裏沒有垃圾, 很「乾淨」. 加上個天突然藍天白雲, 陽光普照, 這天, 是為我而設的嗎?
美麗的黑沙海灘
透明的貝殼, 香港好難搵到架 (不過好易爛)
我在那裏逗留了近兩個多小時, 然後打算到金莎賭場吃下午茶的, 怎料突然有點急事, 唯有向附近一間葡國餐廳老闆娘求救, 並在那裏點了葡國餐 －－ 啤酒牛肉 + 果汁, 味道應該是葡國人的口味, 但本公不懂欣賞.
法蘭度餐廳
注意: 呢間餐廳D餐好大份架, 如果食唔晒可以叫佢整半份, 半份價錢係半價的. (如$140.00一客啤酒牛肉, 我要一半份量, 只收$70.00)
於下午2:40, 我塔返車出嚟澳門, (5元, 是最貴的一程巴士), 然後再乘$2.50的巴士往觀光塔去. 去參觀一下以出前一丁為主題的場館, 可是, 出前一丁已變成翠兒了(嗚 早知如此上次就買多D出前一丁的產品返屋企吧 ~>_<~) 跟住就買咗80元的觀光票上58樓, 觀賞了澳門全境及看人跳笨豬跳, 然後到360餐廳喝Cocktail, 下午6:30, 乘車返到新八百伴, 再行到漁人碼頭逛了一會, 便施施然返回港澳碼頭入閘返港.
觀光塔全貌
觀光塔上 (58-60層)
遊人可在觀光塔上俯瞰澳門全景 (澳門市 (左) 及 氹仔 (右))
各位, 我杯Cocktail呀, 名：觀光360, 應景呢~~~ 佢係菠蘿酒 + 什麼什麼 + 雪糕 + 雜果形成的. 酒精烈度30幾 (好似), 好好飲 ^_^ (好大杯, 我用咗八個字來KO佢)
DAY2 18/8/07（六）
黑沙海灘 --> 金莎賭場 --> 漁人碼頭
陪同者：熊貓
陪同者：熊貓
除咗13/8/07天氣好了1日外, 個天又哭了好多天, 12/8/07的下午, 天氣突然晴朗起來. 於是臨急臨忙在當日下午6:00幾去中港城買翌日的澳門船飛.
這天, 我上午九點鐘上船, 十點幾到埗, 同行的是與我第一次見面的網友──熊貓（舊同事的朋友, 傾過好多年偈但完全未見過面, 放心, 沒有危險性的）. 熊貓愛吃, 她曾說上次去澳門由朝食到晚，見佢咁識食, 今次有口福了.
愛吃的熊貓不懂去任何地方, 那我唯有帶佢行吓黑沙灣, 再去法蘭度餐廳吃頭盤（布甸 及 沙律）, 然後乘車返回金莎賭場吃主菜──自助餐. 怎料金莎賭場的自助餐是由十二點幾至下午兩點幾（我哋由氹仔出番澳門市都成2:40p.m.）, 想到其他酒店吃自助餐, 但我們所到的已沒有自助餐. 熊貓超怕熱, 遇熱即面紅耳熱, 香汗淋漓, 望得我也苦了, 唯有帶她到就近的漁人碼頭的餐廳內降降溫, 用膳用到下午5:00幾, 然後在漁人碼頭內影吓相影到夠鐘（我哋8:30p.m.船）.
這天, 我上午九點鐘上船, 十點幾到埗, 同行的是與我第一次見面的網友──熊貓（舊同事的朋友, 傾過好多年偈但完全未見過面, 放心, 沒有危險性的）. 熊貓愛吃, 她曾說上次去澳門由朝食到晚，見佢咁識食, 今次有口福了.
愛吃的熊貓不懂去任何地方, 那我唯有帶佢行吓黑沙灣, 再去法蘭度餐廳吃頭盤（布甸 及 沙律）, 然後乘車返回金莎賭場吃主菜──自助餐. 怎料金莎賭場的自助餐是由十二點幾至下午兩點幾（我哋由氹仔出番澳門市都成2:40p.m.）, 想到其他酒店吃自助餐, 但我們所到的已沒有自助餐. 熊貓超怕熱, 遇熱即面紅耳熱, 香汗淋漓, 望得我也苦了, 唯有帶她到就近的漁人碼頭的餐廳內降降溫, 用膳用到下午5:00幾, 然後在漁人碼頭內影吓相影到夠鐘（我哋8:30p.m.船）.
與熊貓共宴的非洲村餐廳, 當日吃的是下午茶自助餐, 基本上所有都係CAKE、布甸、沙律、熱嘢只有燒烤 (佢燒好晒, 仲係凍嘅添), 每位$70.00多元.
白天的漁人碼頭大街
夜裏, 漁人碼頭愈見愈美麗
如果今日冇人陪, 我的行程將會是：二侯龍公園、白鴿巢公園、伊斯蘭墳場、各大有特色的聖堂，又或是到各大賭場勁食 (葡京的叉燒飯, 金莎的自助餐) , 然後到紅酒博物館飲紅酒…
整體上, 澳門係一個好悠閒嘅城市 (講得難聽D叫懶). 澳門只有利奧賭場附近一帶是塞車的, 其他地方交通暢順, 特別係離島, 以為假期 (星期六) 較多遊人, 點知係靜過鬼的. 整個城市到處是玩樂的, 桑拿賭場處處都是: 葡京前面有新葡京, 新葡京附近又有永利, 漁人碼頭裏面又有三個賭場, 附近又有個金莎賭場, 金莎附近又有得賭, 再行過幾個街口又有得賭; 離島氹仔又有幾個賭場, 又有賽馬場、賽狗場, 現在仲有幾廿個大大小小的賭場在興建中, 賭賭賭, 建築工人在建賭場, 澳門太太們的丈夫子女全都在賭場打工的: 荷官, 大廚, 服務員…難怪人家說整個澳門都是靠賭來維持的.
澳門的建築物靚得好假 (有如香港迪士尼的但比它還糟), 賭場建得漂亮, 但不知為何有說不出的俗氣, 漁人碼頭內的建築物是以歐陸風味為主, 但不知為何那裏的屋子沒有立體感, 有如布景板, 照相是完全看不出瑕疵, 但…總之係假.
25/8/07弟弟又約了我和他的同學到澳門, 幸好最後也沒有去, 否則我的髕骨 (膝頭) 有難了.
