志蓮淨苑

Date: 26/9/2007 (中秋節翌日)

今早十一點幾雖然落咗場大雨, 但雨後立即變得藍天白雲, 所以便立即出動享受我嘅假期.

由於出動時間已經係下午一點幾, 所以唯有到離我家不遠且車費便宜的志蓮淨苑. 我食咗半個月餅, 便帶埋兩位夫人 (Pana fx 07 及 Canon My EOS 400D) 出動了.

其實今日諗住去完志蓮淨苑, 就打算去黃大仙, 點知我淨係响志蓮淨苑度已經逗留到四點半 (北苑only).

點知我離開時, 見到對面馬路有個好有特式嘅公園. 原來志蓮淨苑變咗好多, 冇嚟咁耐已經開放埋對面馬路嘅南苑 (就是那個特式公園), 南苑裏面與志蓮淨苑一樣, 係一個好有日本feel的公園, 而且仲係一個好識搵錢的公園, 除了有貴價嘅齊餐廳外, 仲有賣高級食品同手信哋店舖.

所以, 我就响南苑玩到六點九先走. 我真係估唔到我可以玩到咁耐.

今日, 我亦都開始知道點控制我部400D, 所以今日基本上係好少震相同埋唔係好駛執相. 而我亦開始懂得點用那個內置閃燈了. (本來想用同事借我玩的外置閃燈, 但今日天氣好沒有帶出來).


另外, 我開始想買長鏡了, 畢竟我那個kid set 影荷花唔方便 (zoom 得唔夠遠, 影得好唔過癮) 唔知一枝長鏡幾銀呢?


果然, 玩相機是要銀糧的. (窮~~~><~~~)




北苑 (大殿部):
北苑內的一個小花園. 乘搭巴士3B後由北苑後門入.






穿過西門, 便進入各大殿 (如下).






天王殿前有兩棵枯了(?) 的盆景, 看相片還以為現在是寒冬呢?





每個大殿內都放了神像, 還播放著佛經, 這裏供奉神明的只用鮮花及水果, 絕無香火, 而神象前則放了善信脆拜用的咕O臣及香油箱. **所有殿內神象嚴禁拍照.**



穿過天王殿, 便到達大雄殿及觀音殿.



大殿各部份建築手工非常細膩, 每一部份都極富日本(?) 特色.







大殿前的兩個大荷花池, 無論何時何刻都是謀殺菲林的好地方.





南苑:
是一個仿照日本式的公園而建, 內裏的建築物也是用木建成, 與北苑可謂連成一氣. 南苑內有木建築藝術館、陶瓷博物館、一間薺館 (在一人工小汱布下, 個樣仲好高檔呢), 還有一些小食店, 貴價手信店. 沿途播放著帶有日本氣息的音樂 (單用古箏或琵琶彈出來的慢歌), 日本式的亭台樓閣, 小橋流水. 是一個很舒服的公園.


南苑的入口:





沿小路走會見到中國木結構建築藝術館. **場內嚴禁拍攝**

**陶瓷博物館於5:30關門.**

再沿小路走, 會見到金燦燦的小塔及紅橋, 這純粹是「裝飾」, 遊人不得進入.

沿途還有很多漂亮的景點供遊人影相.

沒想到瀑布下竟然是一間餐廳 (素食的).

公園還有這類日本式的小屋, 全是小食店或手信店. 右圖就是我所說的貴價手信店了, 內裏除了賣一些志蓮淨苑的名信片外, 還賣有機食品, 價錢最深刻的就是有如GODIVA般的朱古力但比GODIVA價錢便宜點, 還有售千多塊錢的小茶具.

其實南北兩苑其實是日式建築還是中式建築還是日式建築我完全不清楚, 但我絕對覺得兩苑是日式建築. 雖然日本的建築沿於古代中國 (特別是唐代), 而且常覺得中國的建築是用瓦片及多色系組成, 總令人望一眼就知是「國貨」、「國產」, 走了進去, 特別是在小商店的一處, 真的好像走在日本街上. 而另一原因是

因街道太乾淨, 無垃圾. (爆笑~)

完

澳門自遊行2

Date：14/9/2007 （六）

行程：二龍侯公園 --> 星際酒店 --> 永利賭場 --> 新葡京 --> 葡京 --> 回港


今日暫時是本公最後的自由星期六, 之後一連打後14個Sat便要從拾書包了, 難得近日天氣尚好 (雖然霞氣重), 決定再去多次澳門.

家人聞得我又去澳門後, 大家均異口同聲曰: 「今個月第三次啦! 好玩咩?」

好, 當然好玩啦, 人家都未盡興～

本公昨日放工後立即購買來回船飛：早上7:30船飛（去）及　晚上7:00船飛（返）

近日天氣認真麻麻，整日天氣翳熱兼蒙渣渣，又不時落大雨，但仍無損本公雅興。本公晨早已Plan好了各戶外內活動，以應付近來變幻莫測的天公。

今日本公8:45a.m.已出了港澳碼頭，由於天氣尚好，先乘12號巴士到二龍侯公園。今日陪伴本公全程的是Panasonic fx 07 同 Canon My EOS 400D

今日才發現澳門的巴士鐘係高貴紫架＠_＠ (相信小鈺見到一定要拆佢返屋企)

其實我唔識落車，到咗站都唔知，一直坐到去巴士總站，巴士司機好心地拿了張巴士指南給我，然後叫我乘19號巴士在二龍侯公園站落車。（咁就又花多2.5元車錢 ><）

終於到啦 (飲泣~~><~~)

公園內有吊車坐的, 吊車係由山頂到山腳的. 但我沒有一開始便坐吊車, 吊車當然行到山頂 (松山) 才坐的 (本公現有的是腳骨力)

二龍侯公園內

那裏有兩個種荷花池, 種滿了紫色的荷花.

哇~~~ 黃色的蓮花. 全場得一朵咋 ~^^~

極品絕對會惹人著目的, See~~~~

公園裏有動物園, 那裏有猴子, 大熊, 龜, 雀仔. 那裏的動物比香港公園的活躍.

前往動物園中有一個頗有特式的噴水池, 由於噴水池由紅龍及紅魚造成, 所以非常搶眼, 本公在照相期間, 被臭屁蟲欺負 (嗚~~~~~~~ 部400D好臭呀 ~~~>_<~~~ )

然後沿著石級上山.

再上梯級, 便到山頂欖車的位置, 亦即是公園的盡頭了, 由於有的是時間, 那便打算繞晨運徑一週才上去乘纜車回山腳, 然後吃早餐去.

晨運徑的沿途景色:

可是, 繞了一圈後, 發覺到了另一個入口, 不是原來的起點 ><

本公的肚子已經餓得打鼓, 加上天色開始不妥, 為安全計, 唯有從「松山」下山.

街中所聞：

响澳門隨街吐痰同便溺 (PET) 都係罰得好平 (香港起碼貴佢一倍)

澳門人絕對提倡終身學習, 你看~

來到巴士站已11:40a.m., 正猶疑著下一個景點往哪? (很想往白鴿巢公園影相, 但又想到金莎吃自助餐), 最後不加思索地跳上了往金莎賭場的巴士去. 一上車, 天立即下大雨. (好彩~^^~)

雨越下越大, 唯有疊埋心水玩室內的玩意 (逛商場, 逛賭場), 而本公的自助餐, 最後是在星際酒店內進行的. (不知為何當時心血來潮在星際酒店下了車)

午餐自助餐每位128 (已加一), 能享受環球美食, 那裏除了有中、西式美食外, 還有泰色、日式等等美食（我未試過的朱古力噴泉呀 @@, 還有自助意大利名牌雪糕…），食物品質及廚師水準絕對拍得住香港四季酒店及尖沙咀帝都酒店。

本公喜愛的部份美食:

嗰喥嘅美食起碼超過40款, 不過大部份都唔啱本公食 (我一進場已飛起晒D我唔鐘意食嘅嘢: 蔬菜沙律、多款芝士、疏打餅、刺身、馬拉糕、叉燒飽、芋頭糕、芝士蛋糕、泰國蒙粉...), 雖然係咁, 但都覺得係抵食嘅 (唔食有得揀都係抵吖)

我食咗咩? 兩大碗白飯加每款一舊的餸菜 (嗰度有十款菜同肉你選), 甜品, 生果, 蛋糕, 壽司, 扒, 雪糕, 仲有狂飲豬骨湯 (D豬軟骨好食呀!)

注意: 嗰度D雪糕收咗响個好神秘嘅地方 (佢哋被放响熱盤下的一個隱型的冰櫃中)

酒店餐廳內的環境:

星際娛樂城大堂 (好似粒波波糖^_^)

永利酒店

酒店大堂

酒店私人泳池

酒店內的名店街


音樂噴泉會15分鐘表演一次, 款式及歌曲每次不同, 令人目不暇給.

show 1 (3:15p.m.)

show 2 (5:40p.m.)

然後到金光閃閃的蔥頭-----新葡京 (我改的, 誰叫它遠看像一棵長了花的洋蔥)

由永利到新葡京, 就一定要穿過這些玻璃頂隧道

葡京 及 新葡京 (金色者)

Inside 新葡京

夜裏的新葡京

葡京

葡京內最吸引本公的東西:

三間賭場中, 我最愛永利. 其次是新葡京及葡京. 兩者設計各有特式. 永利較似外國賭場, 較多外國遊客及日本客光顧, 而新葡京及葡京內裏卻似香港的麻雀館. 哈哈~~~~~ 而食物方面, I prefer永利, 葡京及新葡京的我見了也 (汗~~~款色唔好), 不過新葡京最近有另一賣點, 就是下江的AV女郎艷舞欣賞 @o@. 唔知一張飛幾銀呢?

於5:00幾, 本公已經全身散晒, 仲有兩個鐘先能夠返屋企, 那唯有返回永利CAFÉ 坐 (那裏較骨子), 叫了一杯名叫Long Vocation 的 cocktail. 嘆咗一個鐘才私私然行番去新葡京巴士站坐車回港澳碼頭去.

各位, 我杯 Cock-tail 呀 (由士多啤梨生果同各類甜酒混合而成, 不過無上次嗰杯360咁大杯同咁好飲)

永利酒店的cafe:

後記：
今日除了逛睹場外, 還有一個好玩的玩意, 就是拍蜻蜒. 天氣翳熱, 蜻蜒佳低飛著, 亦是牠們的繁殖季節, 很多蜻蜒都在交尾中, 今日, 本公老是追著人家 (汗) 很清楚， 拍得不錯呢!

咁嘅質素, 係400D呢類機先做到.

全世界的賭場內都嚴禁拍照, 澳門的也一樣, 其實賭場內也有美麗的一面, 如果許可的話我也真想拍幾張. 我也不明白為何人會喜歡賭錢, 而且仲可以有咁多錢去賭, 我見過一個內地來的男子, 竟然可以一舖落注1萬, 輸咗仲繼續以每舖1萬元滿銀落注, 輸了十注的每舖一萬元港幣後. 仲可以繼續攞成喼錢落注. 錢是從哪裏來呢???

很多人以為我會入賭場露兩手的, Sorry, 沒有 (我是一個連六合彩也懶得買、行過馬會也懶得入去的人). 我只對內裏的賭徒及操作很好奇, 我亦對新葡京的艷舞show好奇 (笑), 不過聽人說最漂亮的可人兒已盡show poster, 其餘樣貌平平無奇. 但如果多找幾個志同道合, 我絕對會看的, 畢竟小生怕怕.

其實我買7:00船飛, 6:15p.m.先迫到巴士返碼頭, 時間看似鬆動但實在不足, 因為响葡京往碼頭嗰段路真係好塞車, 嗰個位竟然可以塞車塞足十五分鐘, 而且澳門D巴士好鐘意兜路, 架車一面行我就一面擔心遲到, 幸好最後响6:40p.m.到碼頭.

如果下次再來澳門，那該是明年農曆新年的事了，與家人攻陷威尼斯人去。